Land O’ The Leal

Lyrics

I’m wearin’ awa’, John
Like snaw-wreaths in thaw, John
I’m wearin’ awa’ to the land o’ the leal

There’s nae sorrow there, John
There’s neither cauld nor care, John
The day is aye fair, in the land o’ the leal

Our bonnie bairnie’s there, John
She was baith gude and fair, John
And oh! we grudg’d her sair to the land o’ the leal

But sorrow’s sel’ wears past, John
And joys a comin’ fast, John
The joy that’s aye to last, in the land o’ the leal

Oh! haud ye leal an’ true, John
Your day it’s wearin thro’, John
An’ I’ll welcome you to the land o’ the leal

Now fare ye weel, my ain John
This warld’s care is vain, John
We’ll meet and aye be fain in the land o’ the leal

©

© Lady Caroline Nairn

More information

More nursery rhymes lyrics with L