Bonnie Earl O’ Murray

Lyrics

Ye heilands and ye lowlands,
O whaur hae ye been?
They hae slain the Earl o’ Murray,
And laid him on the green;

He was a braw gallant,
and he rade at the ring;
And the bonnie Earl o’ Murray
He micht hae been the king.

O lang will his lady
Look o’er frae castle Doune,
Ere she see the Earl o’ Murray
Come soundin’ thro’ the toon.

Noo wae be to thee Huntley,
And wherefore did ye sae?
I bade ye bring him wi’ ye,
But forbade ye him to slay.

He was a braw gallant,
And he play’d at the ba’
And the bonnie Earl o’ Murray
Was the flow’r amang them a’.

O lang will his lady
Look o’er frae castle Doune,
Ere she see the Earl o’ Murray
Come soundin’ thro’ the toon.

Oh mourn, oh mourn ye Lowlands,
Oh mourn ye Highalnds a’
They have slain the Earl o’ Murray
On the greensward ha’ he fa’

He was a braw gallant,
And he play’d at the glove
And the bonnie Earl o’ Murray
He was the Queen’s own love.

O lang will his lady
Look o’er frae castle Doune,
Ere she see the Earl o’ Murray
Come soundin’ thro’ the toon.

More information

More nursery rhymes lyrics with B