Barnyards of Delgaty

Lyrics

As I cam’ in by Turra market
Turra market for to fee
I fell in wi’ a fairmer chiel
In the Barnyards o’ Delgaty

Chorus
Linten adie toorin adie
Linten adie toorin ee
Linten lowrin, lowrin, lowrin
The Barnyards o’ Delgaty

He promised to me ae the best pair
Every I set my e’en upon,
When I gaed to the Barnyards
Naething there but skin and bone!

Chorus

The auld black horse sat on his rump
The auld white mare lay on her wime
For a’ that I could ‘Hup!’ and crack
They wouldna rise at yokin’ time

Chorus

When I gae to the kirk on Sunday
Mony’s the bonnie lass I see
Sittin’ by her faither’s side
Winkin’ owre the pewes at me

Chorus

I can drink and no’ be drunken
I can fecht and no’ be slain
I can lie wi’ anither man’s lass
And aye be welcome to my ain

Chorus

Noo my cannle is brunt oot
My snotter’s fairly one the wane
Sae fare ye weel, ye Barnyards
Ye’ll never catch me here again

Chorus

More information

More Lullabies
More nursery rhymes lyrics with B